हिंदू नववर्षदिनाच्या मन:पूर्वक शुभेच्छा … !!!

गुढीपाडव्याच्या हार्दिक शुभेच्छा!

सोनपिवळा स्पर्श हिरव्या गर्दिला स्रूजनांचा हर्ष
कुणाच्या स्वागता हा सोहळा? गुढीपाडव्याचा मुहुर्त आगळा,

गुढीपाडव्याच्या हार्दिक शुभेच्छा!

सुहास

Being Social

शाळा संपली, बारावी ढकलली :) सगळयांचे मार्ग वेगळे झाले. कोणी शिकायला पुण्यात, कोकणात गेल. मी आपला मुंबई सोडायची नाही म्हणून इथेच राहिलो. चार-पाच वर्ष उलटली. मोबाइलची एवढी क्रेज़ नव्हती, म्हणजे मोबाइल वापरायचो पण फक्त घरगुती वापरासाठी आणि कॉलेजच्या फ्रेंड्सला माझी जरनल विसरू नकोस रे बाबा, माझी असाइनमेंट कोणाकडे आहे?, उद्या परीक्षा आहे लक्षात आहे ना :) असे रिमाइंडर देण्यासाठीच वापरायचो. शाळेतले जास्त कोणीच कोणाच्या संपर्कात नव्हते. सगळे कसे आपापल्या जगात सुखी.

त्याच दरम्यान स्वताच्या प्रेयसीला शोधण्यासाठी एका तरुणाने ओरकुतची निर्मिती केली, माहीत नाही त्याला ती मिळाली की नाही, पण गूगल दादानी त्यातील फायदा ओळखला आणि ते अप्लिकेशन विकत घेतला आणि पूर्ण जगाला लावला धंद्याला, शोधा आपले मित्र, मैत्रिणी, प्रेयसी, प्रियकर, कॉलेज/ऑफीसमध्ये आवडलेली/आवडलेला. नावाने शोधाशोध करायची..एकाच नावाचे दोघे-तिघे सापडले तर सगळ्याना फ्रेंड रिक्वेस्ट टाकून तू तोच/तीच ना अशी विचारपूस करायची. आता जरी ती व्यक्ती आपण शोधतो आहोत ती नसली तरी तिला आपल्या फ्रेंड लिस्ट मधून काढायचा विचार पण करत नाही.

आमच्या शाळेच्या ग्रूपचा रियूनियन ह्या ओरकुत मुळेच झाला तोच काय तो आमचा फायदा बाकी दुष्परिणाम सोडले तर. प्रत्येक गोष्टीचे साइड एफेक्ट्स असतातच, ओरकुतमुळे आपले मित्र सापडले पण आपल्या प्रोफाइलचे फोटोस, आपले स्क्रॅप, आपली पर्सनल माहिती जगजाहीर झाली. कोणीही कोणाच्या प्रोफाइल मध्ये डोकावू लागला, माहिती कॉपी करून ठेवू लागले. मग उगाच आपला वेळ त्या व्यक्तीला कोण काय काय विचारत, ती व्यक्ती त्याला कसा रिप्लाइ देते हे “मॉनिटर” करण्यात जाउ लागला. माझ्या एक मैत्रिणीचा किस्सा सांगतो, तिच्या ऑफीस पिकनिकचे रेन डान्स फोटोस एका टूकार फोरम लिस्ट वर पब्लिश केले गेले. न्यू आइटम गर्ल इन टाउन म्हणून…काय म्हणायाच याला? ओरकुतला मिळालेल्या यशाने तश्या साइट्सचा धडाकाच लागला. असा म्हणत नाही की वाईट आहे हे, पण सगळ्याना याची सवय होऊन बसली कारण ते एका मर्यादेपर्यंत राहायला हव होत, ह्याला मी पण अपवाद नव्हतो.

दिवसभर आपण त्या तिथे लॉगिन करून गप्पा मारल्या मित्रांसोबत की तो माणूस सोशल. त्याला/तिला आपल्या मित्रांची काळजी वाटते, बोलायला आवडत म्हणून तासन्तास विषय नसताना उगाच गप्पा मारण सुरू झाला. Orkut, Twitter, Facebook, Power.com, Ibibo, Indiarocks Etc. खूप आहेत, काहींची नाव पण माहीत नाही पण मला तिथून फ्रेंड रिक्वेस्ट येतेय. माझ्या मित्राना विशेष करून मूलीना रिक्वेस्ट पाठवली जाते की मी सुहासचा मित्र, आता असा सांगितल्यावर कोण नाही म्हणेल त्याला? कसला नको तो धंदा लावला आहे ह्यानी? प्राइवसी पब्लिकली करून ती प्राइवेट असल्याच भासवला जातय ह्या सोशल पोर्टल्स मधून. त्यातच ग्रूप इन्विटेशन्सचा प्रकार, एक मराठी ग्रूप म्हणून मी जॉइन केला म्हटला काही मराठी वाचायला मिळेल, एक-दोन महिने सगळा ठीक चालल होत, पण मग तो मराठी ग्रूप पोर्न ग्रूप होऊन बसला आणि नाइलाजाने सोडावा लागला मला.

आपला ईमेल अड्रेस आपला राहिलाच नाही, त्यामुळे मला नाइलाजाने माझे मेल्स दुसर्‍या अकाउंट मध्ये ट्रान्स्फर करावे लागले. आता मराठी ब्लॉग्स.नेट वर मी एका ब्लॉगला कॉमेंट काय दिली त्या बलॉगर कडून फॉर्वर्डेड मेल्स चालू मला न विचारता, शेवटी तो आइडी ब्लॉक केला तेव्हा कुठे शांती मिळाली. सोशल नेटवर्किंग करा, माझा विरोध नाही त्याला मी पण करतो पण कोणाला न विचारता त्याच्या मनाविरुद्ध त्याचा ईमेल आइडी त्या वेब साइट वर सब्मिट करू नका. कारण तिथून पुढे होणारा त्रास त्या व्यक्तीला होणार आहे हे लक्षात असु द्या.

काल एक दिवस ईमेल्स चेक नाही केल्या तर रात्री उशिरा मला हा सगळा इन्विटेशन्सचा कचरा साफ करावा लागला. आजपासून मी पण नावापुरताच त्या वेब साइट्स वर असेन, वाढदिवसाच्या शुभेच्छा, सण वगेरे त्यासाठीच बस. फेसबुक वरील सगळ्या अपलिकेशन्स ब्लॉक करतोय. त्यामुळे इन्विटेशन्स पाठवू नका प्लीज़. अजुन त्रास झाला तर सरळ प्रोफाईल उडवून द्यावी लागेल मला :(:(

——- एक अति सोशल नेटवर्किंग पीडीत

डू नॉट डिस्टर्ब

आSSSSआSई ग् !!

अहो तुम्हाला नाही हो आमच्या हापिसातल्या बॉस आणि टीम मॅनेजरला सांगतोय. DO NOT DISTURB

आठवडाभर शॉनकडून मर मर काम करवून घेतल. सगळी एस्कलेशन्स, रिपोर्टिंग सांभाळून माझा स्वताचा स्कोर चांगला ठेवून तुमची काम केली. पण आज नाही आज ना फोन ना पीसी संध्याकाळपर्यंत. त्यामुळे खबरदार मला फोन केलात तर. सहा-सहा दिवस काम करतोय (पैसे डबल मिळतात म्हणा ओवरटाइमचे:) ) म्हणून काय झाला?. एका डंब यूस कस्टमर ला मॅकमध्ये (Macintosh)माउस राइट-क्लिक (Right-Click) समाजावता समाजावता डोक्यात तिडीक गेली होती माहीत आहे ना? पण मी सांभाळला त्याला राग आवरून, फ्लोरवर सांगायला काय जातय तुमच सुहास बघा किती सहज टार्गेट अचिव्ह करतोय.

ज्याची जळते त्यालाच कळते. बस झाला, खूप सहन केला. मला आराम नको? त्यादिवशी फक्त डोक दुखतय, मला झोप हवी आहे मी घरी जातो हाल्फ डे तेव्हा कसे भाव होते तुमच्या चेहर्यावर. नशीब सोडला होतत मला..

पण आज हक्काची सुट्टी. मस्त तंगड्या पसरून झोपणार…so Don’t dare to DISTURB me today

गुड नाइट…ZZZzzzzzzz,,,,…!!!

ईडियट बॉक्स

आपला ईडियट बॉक्स दिवसेंदिवस ईडियट होत जातोय…

आता न्यूज़ चॅनेल सर्फ करताना हा सीन बघून थांबलो. ही म्हणे आईची आवडती सीरियल? काय मिळता ह्या लोकाना अश्या सीरियल्स टेलीकास्ट करून..लिस्ट तर खूप मोठी आहे पण काय ती लाडो का कोण, किवा बालिका वधु. बघू वादाचा मुद्दा असेल माझ बोलण कारण खूप मोठा प्रेक्षकवर्ग आहे अश्या टूकार मालिकाना. असो मग लिहेन  यावर आता ऑफीसला जायचय..

तूर्तास हा वीडियोतून माझा मुद्दा पटतो का बघा :)

माइक्रोसॉफ्ट विसिओ २०१०

सॉफ्टवेर इंडस्ट्रीमध्ये वाढलेल्या स्पर्धा आपण जाणतोच. त्यातच गूगल दादा आणि माइक्रोसॉफ्ट काका यांच तर हाडाच वैर, एकमेकांवर सरशी करण्यात दोघेही पटाईत. हल्लीच काकानी ऑफीस २०१० लॉंच केला. त्यानंतर काही महिन्यातच त्या ऑफीस २०१० मध्ये एक नवीन प्रॉडक्ट एड केला गेला. आजच ह्या प्रॉडक्टचा लॉंच वीडियो बघितला. विसिओ २०१० (VISIO 2010) फेब्रुवारीच्या शेवटच्या आठवड्यात रिलीस केला गेला हे जगभर. माइक्रोसॉफ्टने विसिओ ह्या कंपनीला टेक ओवर करून ह्या प्रॉडक्टच्या तांत्रिक फीचर्स मध्ये अमुलाग्र बदल घडवून स्वताच्या नावाखाली याची बाजारात घोषणा केली. (काका ह्या बाबतीत तर एकदम तरबेज:))

ग्राफिक इंटरफेसवर काम करणार्‍यांना हे सॉफ्टवेर खूप उपयोगी पडेल. विसिओ ऑटोकॅड, फोटॉशॉप आणि इतर २४ प्रकारच्या इमेज फॉर्मॅट सपोर्ट करतो. फ्लोचार्ट्स, टेबल्स, डेटाबेस इथे वापरात येणार्‍या स्टॅन्सिलस् हवे तसे एडिट करता येतात. ह्या मधील मला आवडलेला फीचर म्हणजे एखाद्या वेब साइटचा साइट मॅप, तुम्ही बघू शकता फक्त ती लिंक टाकून. त्यामध्ये तुम्हाला कळता पेजस कसे सेटप केले आहेत, कुठे पेज लिंक ब्रेक होतेय. सगळा सगळा एका क्लिक सरशी. ह्या गोष्टीसाठी नॉर्मली खूप डोकेफोडी करावी लागायची. नेटवर्क मॅप, ऑर्गनाइज़ेशन चार्ट्स, रिपोर्ट्स आणि खूप नवीन फीचर्स ह्यात काकानी सामावून घेतले आहेत. लवकरच दादांकडून याला प्रतुत्तर येणार आहे अशी बातमी आहे :) एकूणच एक चांगल अप्लिकेशन रिलीस केलय काकानी

ह्याच बीटा सॉफ्टवेर इथून डाउनलोड करता येईल बघा वापरुन..

प्रीव्यू वीडियो -